Balalardyń qaýipsizdigi – qoǵam úshin qashanda ózekti másele. Osyndaı máseleniń bir sheshimi retinde Qaraǵandy óńirinde shalǵaıdaǵy 121 eldi mekennen oqýshylardy mektepke jetkizetin 27 jańa avtobýs tartý etildi.
Bul avtobýstar – Saran qalasyndaǵy «QazTehna» JShS avtobýs zaýytynan shyqqan. Zaýyt basshylyǵynyń málimdeýinshe, kólik qaýipsizdik talaptaryna tolyq sáıkes keledi. Sonymen qatar balalarǵa yńǵaıly bolý úshin sómke qoıatyn oryn da qarastyrylǵan. Oryndyqtarda qaýipsizdik beldikteri, esik ashyq qalǵan jaǵdaıda qozǵalýǵa múmkindik bermeıtin mehanızm, pandýs ornatylǵan.
Avtobýstar saǵatyna 60 shaqyrymǵa deıingi jyldamdyqpen ǵana júre alady. О́ıtkeni onda arnaıy jyldamdyqty shekteý bar.
Al mektepterge kelsek, aldaǵy úsh jyl ishinde oblysta 22 mektep boı kótermekshi. Onyń 16-sy «Jaıly mektep» ulttyq jobasy negizinde salynady. Buǵan qosa erekshe balalardyń da jaǵdaıy eskerýsiz qalmaq emes. Máselen, olar úshin osy jyly 5 arnaıy uıym ashylǵanyn atap ótken jón.
Qaraǵandy oblysy