ASTANA. 5 maýsym. Qazaqstan azamattaryna Eýrazııalyq ekonomıkalyq odaq aıasyndaǵy áriptes elderge baryp, jańa jumys oryndaryn tabýǵa qolaıly jaǵdaı týyp otyr. Ortalyq kommýnıkasııalar qyzmetinde ótken brıfıngte Senat depýtaty Vladımır Bobrov osylaı dedi. Bul týraly ortcom.kz habarlady.
«Integrasııalyq úrdister» taqyryby áńgime arqaýyna aınalǵan basqosýda Vladımır Bobrov dúnıejúzinde ekonomıkalyq birlestikter óz basymdyqtaryn dáleldep otyrǵanyn aıta kele: «Eýrazııalyq ekonomıkalyq odaq áleýmettik turǵydan qazaqstandyqtarǵa áleýmettik paketterdi birtindep teńestirýge, bilim jáne medısınalyq qyzmetterdi shekteýsiz alýǵa, tek Qazaqstanda ǵana emes, múshe-memleketterdiń kez-kelgeninen jańa jumys oryndaryn tabýǵa múmkindikteri berip otyr», – dedi.
Onyń aıtýynsha, Qazaqstannyń árbir azamaty áriptes memleketterdiń aýmaǵynda kásipkerlik úshin barlyq qajetti múmkindikterdi paıdalana alady. Jalpy, Eýrazııalyq ekonomıkalyq odaqtyń paıdasyna kúmán joq.
Joldybaı Bazar.
Derekkóz: ortcom.kz.
Foto: Minplan.kz.