Búgin Taldyqorǵanda kólikten máıit tabyldy. Boljam boıynsha er adam atys qarýyn paıdalanyp óz-ózine qol jumsaǵan, dep habarlaıdy Egemen.kz.
«13 jeltoqsanda Taldyqorǵan qalasynyń «Kóktem» shaǵyn aýdanynda, óziniń «Toyota HILUX PICK-UP» avtokóliginiń ishinde 47-jastaǵy jergilikti turǵynnyń máıiti tabyldy. Boljam boıynsha er adam atys qarýyn qoldanyp ózine qol jumsaǵan», dedi Jetisý oblysy PD baspasóz qyzmetinen.
Derek boıynsha qajetti saraptamalardy taǵaıyndaýmen sotqa deıingi tergeý amaldary bastaldy, barlyq mán-jaı anyqtalady.
Aıta keteıik, kúzde Taldyqorǵanda mektep oqýshysy óz-ózine qol jumsaǵan edi.