Qazaqstanda jazataıym oqıǵany tergeý kezinde qyzmetkerdiń kinásiniń dárejesin anyqtaý tetikteri qaıta qaralady. Bul týraly Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy Egemen.kz.
«2023 jyldyń 1 sáýirinen bastap qaýipsizdik jáne eńbekti qorǵaý salasyndaǵy táýekelderdiń aldyn alý jáne ýaqtyly baǵalaý maqsatynda – Sıfrlyq ahýal ortalyǵy iske qosylady. 2023 jyldyń 1 qyrkúıegine deıin qaýipsizdik jáne eńbekti qorǵaý salasyndaǵy bir jarym myńnan astam standarttar qaıta qaralady. Eńbek normalarynyń jańa júıesi engiziledi», dedi Eńbek mınıstri Úkimet otyrysynda.
Onyń aıtýynsha, 2023 jyldyń 20 qarashasyna deıin jazataıym oqıǵalardan mindetti saqtandyrý júıelerin jetildirý boıynsha usynystar daıyndalady.
«Kelesi jyldyń birinshi jartyjyldyǵynda Eńbek kodeksine tıisti ózgerister engize otyryp, jazataıym oqıǵany tergep-tekserý kezinde qyzmetkerdiń kinásin anyqtaý qaıta qaralady. Sondaı-aq 2023 jyly memleket, bıznes jáne jumysshylar arasyndaǵy áleýmettik áriptestiktiń tıimdiligin arttyrý maqsatynda «Kásipodaqtar týraly» zańǵa qajetti ózgerister engiziledi», dep tolyqtyrdy mınıstr.