QR Premer-Mınıstriniń orynbasary – qarjy mınıstri Erulan Jamaýbaev kapıtaldy qaıtarý máseleleri jóninde keńes ótkizdi, dep habarlaıdy Egemen.kz Úkimettiń baspasóz qyzmetine silteme jasap.
Keńeske Qarjy, Ulttyq ekonomıka, Ádilet, Syrtqy ister mınıstrlikteri men Bas prokýratýranyń, Ulttyq qaýipsizdik komıteti, Ulttyq bank, qarjy naryǵyn retteý jáne damytý, sybaılas jemqorlyqqa qarsy is-qımyl, qarjylyq monıtorıng agenttikteri men «Samuryq-Qazyna» UÁQ» AQ ókilderi qatysty.
Onda Memleket basshysynyń Jarlyǵyn iske asyrý boıynsha memlekettik organdardyń usynystary qaraldy.
Eske sala keteıik, bıyl 26 qarashada Memleket basshysy «Zańsyz shyǵarylǵan aktıvterdi memleketke qaıtarý jónindegi sharalar týraly» jarlyqqa qol qoıǵan bolatyn.
Jarlyqqa sáıkes Úkimet múddeli memlekettik organdarmen jáne uıymdarmen birlesip, 2023 jylǵy 31 naýryzǵa deıin tıisti zań jobasyn ázirlep, Parlament Májilisine engizýi tıis.
Otyrysty qorytyndylaı kele, E. Jamaýbaev Memleket basshysynyń Jarlyǵyn iske asyrýǵa baǵyttalǵan jıyntyq usynystar ázirleýdi tapsyrdy.
Jumys tobynyń otyrysy apta saıyn ótedi.