Memleket basshysy Qasym-Jomart Toqaev Qyrǵyz Respýblıkasynyń Prezıdenti Sadyr Japarovpen telefon arqyly sóılesti, dep habarlaıdy Egemen.kz Aqordanyń baspasóz qyzmetine silteme jasap.
Sadyr Japarov Qasym-Jomart Toqaevty jáne Qazaqstan halqyn Táýelsizdik kúnimen quttyqtap, elimizge beıbitshilik pen baq-bereke tiledi.
Memleket basshysy Qyrǵyzstan Prezıdentine quttyqtaǵany úshin rızashylyǵyn bildirip, baýyrlas qyrǵyz elimen kópjaqty yntymaqtastyqty odan ári nyǵaıtýǵa nıetti ekenin jetkizdi.
Áńgimelesý barysynda taraptar Qazaqstan men Qyrǵyzstan arasyndaǵy strategııalyq seriktestiktiń qarqyndy damýyna kóńili tolatynyn atap ótti.