Qazaqstannyń Ulybrıtanııadaǵy Elshisi Maǵjan Ilııasov Korol III Charlzge senim gramotalaryn tabys etti, dep habarlaıdy Egemen.kz.
Býkıngem saraıynda ótken rásim barysynda suhbattasýshylar ekijaqty qatynastardyń jaǵdaıy men perspektıvalaryn talqylady. Taraptar sondaı-aq jasyl energetıkaǵa kóshý, qorshaǵan ortany qorǵaý jáne turaqty damý máselelerin talqylady.
Kezdesý aıasynda Korol eldegi jáne aımaqtaǵy jaǵdaıdy surap, 1996 jyly Qazaqstanǵa jasaǵan saparyn eske aldy.
О́z kezeginde, Elshi Korol Charlzdi elimizge kez-kelgen yńǵaıly ýaqytta kelýge shaqyrdy. Sonymen qatar brıtandyq monarhqa QR Premer-Mınıstriniń orynbasary – Syrtqy ister mınıstri Muhtar Tileýberdiniń Londonǵa aldaǵy resmı sapary týraly habarlady.
Korol M. Tileýberdiniń aldaǵy sapary Qazaqstan men Ulybrıtanııa arasyndaǵy strategııalyq áriptestikti odan ári nyǵaıtýǵa septigin tıgizedi degen úmitin bildirdi.
Sondaı-aq bul rásimniń Qazaqstan men Ulybrıtanııa arasyndaǵy dıplomatııalyq qatynastardyń ornatylǵanyna 30 jyl tolýymen tuspa-tus kelgenin atap ótken jón.