Horvatııa quramasy Katardaǵy álem chempıonatynyń qola júldegeri atandy, - dep habarlaıdy Egemen.kz Vesti.kz-ke silteme jasap.
Jartylaı fınalda jeńilip qalǵan Horvatııa men Marokko quramalary qola medaldi sarapqa saldy. Oıyn jyldam golmen bastaldy. 7-mınýtta Ioshko Gvardıol horvattardy alǵa shyǵardy. Biraq eki mınýttan soń afrıkalyq qurama tarazy basyn teńestirip tastady - Ashraf Darı baspen dál soqqy jasady.
Al komandalar úziliske keter tusta Mıslav Orshıch sol jaqtan dopty aınaldyra teýip, Horvatııa quramasynyń ekinshi golyn saldy.Ekinshi taımda qaýipti shabýyl kóp bola qoımady - barlyq soqqyny qaqpashylar qaıtara aldy.
Osylaısha, Horvatııa quramasy 2:1 esebimen jeńip, tarıhynda ekinshi ret álem chempıonatynyń qola júldegeri atandy.