Elimizde «Respýblıka» partııasy resmı túrde tirkeldi. Bul týraly Májilis otyrysynda Ádilet mınıstri Qanat Mýsın aıtty, dep habarlaıdy Egemen.kz.
Mınıstrdiń aıtýynsha, bul barlyq quqyqtary bar partııa.
«Búgingi kúni «Baıtaq» jáne «Respýblıka» partııalary tirkeldi. Bul tolyqtaı tirkelgen partııalar, olardyń barlyq quqyqtary bar. Basqa partııalarmen jumys jalǵasýda, olar áli birinshi kezeńnen ótken joq. Sebepteri bir - qujattary tıisti talaptarǵa sáıkes kelmeıdi», dedi Ádilet mınıstri Qanat Mýsın.
Partııanyń quryltaıshylary men jetekshileri qazaqstandyq belgili kásipkerler men qoǵam qaıratkerleri.
«Respýblıka» partııasynyń tóraǵasy bolyp Aıdarbek Hodjanazarov, teń tóraǵa bolyp Syrymbek Taý, Rýslan Berdenov, Maksım Baryshev, Dınara Shúkijanova, Qýanysh Shonbaı, Beıbit Álibekov jáne Nurlan Qoıanbaev saılandy.
Partııanyń «Qaıta bastaý» dep atalatyn baǵdarlamasy memlekettiń barlyq salasyn jáne qazaqstandyqtardyń ómirin qaıta bastaýǵa baǵyttalǵan. Partııanyń ataýy latynnyń «respýblıka» sózinen aýdarǵanda «ortaq is» degendi bildiredi.
30 qarashada Qazaqstanda jańa «Baıtaq» partııasy tirkelgeni belgili boldy. Partııanyń basty mindeti – elimizdiń ekologııalyq máselelerin sheshý.