Búgin Úkimet otyrysynda Indýstrııa jáne ınfraqurylymdyq damý mınıstri Qaıyrbek О́skenbaev jeńildetilgen avtonesıe baǵdarlamasy jalǵasatynyn aıtty, dep habarlaıdy Egemen.kz.
Mınıstrdiń aıtýynsha, baǵdarlama endi ǵana iske qosylǵan kezdegideı aýqymdy bolmaıdy.
«Kólik barlyǵyna jetedi. Men iri kólemdi avtonesıe bolmaıdy dedim, óıtkeni memleket jetkilikti túrde aqshany quıyp qoıǵan. Biraq qazir bul aqshany halyqqa aınalmaly túrde berý kerek. Qazir mınıstrlik banktermen osy másele boıynsha jumys istep jatyr», dedi Qaıyrbek О́skenbaev.
Avtonesıe qazirgideı belgili bir somany jınap alǵannan keıin emes, úzilissiz berilýi kerek.
«Bıyl biz 110 myń kólik shyǵardyq, kelesi jyly 120 myń kólik shyǵaramyz dep josparladyq. Biraq odan da kóp bolýy múmkin. Ony 135 myńǵa jetkizemiz dep oılaımyn», dep atap ótti mınıstr.
23 jeltoqsanda jeńildetilgen avtonesıe 2023 jyldyń qańtarynda iske qosylatyny belgili boldy. Qazir bankter burynǵy avtonesıelerdi óteýden túsetin tólemderdi jınaqtap jatyr.