Saǵat 07:45-te Qaraǵandy-Aqadyr ýchaskesiniń Qarabas stansııasynda júk poıyzynyń 19 vagony relsten shyǵyp ketti. Qurbandar men zardap shekkender joq, dep habarlaıdy Egemen.kz «QTJ» UK» AQ baspasóz qyzmetine silteme jasap.
Aldyn ala málimet boıynsha, apat jeke menshik ıesine tıesili birinshi astyq tasýshynyń dóńgelek jubynyń keptelýinen bolǵan. «QTJ» UK» AQ-da bolǵan oqıǵanyń mán-jaıyn anyqtaý úshin arnaıy komıssııa quryldy.
Bul ýchaskede poıyzdar qozǵalysy kórshiles jol boıymen uıymdastyrylǵan. Qaraǵandy, Qulaıǵyr stansııalary boıynsha eki jolaýshylar poıyzy kidirildi. Vagondardyń joldan shyǵý saldaryn joıý úshin Qaraǵandy, Jańaarqa, Astana stansııalarynyń qalpyna keltirý poıyzy tartyldy.