О́zbekstannyń memlekettik qaýipsizdik qyzmeti úndi sıropyn ishken 18 balanyń qaıtys bolý faktisi boıynsha qylmystyq is qozǵady, dep habarlaıdy Egemen.kz.
О́zbekstannyń Dárilik zattardy saraptaý jáne standarttaý ortalyǵynyń qorytyndysyna sáıkes «Doc-1 MAX» sıropy belgilengen talaptarǵa sáıkes kelmeıdi.
Densaýlyq saqtaý mınıstrliginiń zerthanalyq zertteýlerine sáıkes, Doc-1 MAX sıropynda kezdesetin etılenglıkol zaty naýqastyń densaýlyǵyna teris áser etedi.
Qazirgi ýaqytta О́zbekstan Respýblıkasy Qylmystyq kodeksiniń 186-3-babynyń 4-bóligi boıynsha «Quramax Medical» JShQ jáne «Dárilik zattardy standarttaý ǵylymı ortalyǵy» JShQ ımporttaýshy kompanııasynyń laýazymdy tulǵalaryna qatysty qylmystyq is qozǵaldy. Kúdiktiler tergeý ızolıatoryna qamaldy.
Eske sala ketsek, 22 jeltoqsanda О́zbekstanda Úndistannyń tumaýǵa qarsy «Doc-1 MAX» preparatyn qabyldaǵan 15 balanyń qaıtys bolǵany týraly habarlandy.
27 jeltoqsanda О́zbekstannyń Densaýlyq saqtaý mınıstrligi atalǵan preparattan 18 bala qaıtys bolǵanyn rastady.