Qasym-Jomart Toqaev ortalyqtaǵy Smart synyptyń jumysymen tanysty, dep habarlaıdy Egemen.kz Aqordaǵa silteme jasap.
Em alyp jatqan balalar oqýdan qol úzip qalmaýy úshin «Aqyldy synyp» uıymdastyrylǵan. Munda mektep baǵdarlamasyna sáıkes matematıka, tarıh jáne basqa da pánder oqytylady.
Memleket basshysy respýblıkanyń ár óńirinen kelip, em alyp jatqan balalarmen áńgimelesip, jetkinshekterdiń tezirek saýyǵyp ketýine tilektestik bildirdi.
Qazir balalar bólimshelerinde 351 bala em alyp jatyr. Bıyl bul jerde 18 myńǵa jýyq bala emdelgen.
Qasym-Jomart Toqaev ortalyqtaǵy balalardy Jańa jyl merekesimen quttyqtap, barlyǵyna syılyq úlestirdi.