Shyǵys Qazaqstan aýmaǵynda 25 jeltoqsannan beri «Pırotehnıka» jedel-aldyn alý is-sharasy ótip jatyr, dep habarlaıdy Egemen.kz.
Jańa jyl qarsańyndaǵy qaýipsizdiktiń aldyn alý úshin satylymdaǵy, aınalymdaǵy pırotehnıkalar tekserildi. Sonymen qatar órt sóndirý qyzmetkerleri qoldanýdaǵy qaýipsizdik sharalarymen tanystyrdy. Atalǵan reıdtik shara 3 qańtarǵa deıin jalǵasyn tabady.
О́skemen polısııa basqarmasynyń azamattyq qyzmettik qarýdy baqylaý bólimshesiniń aǵa ınspektory, polısııa maıory E.Saǵatovtyń málimetinshe, pırotehnıkalyq zattar satylatyn dúkender, bazarlar, jappaı saýda qoımalary 3 qańtarǵa deıin quqyq qorǵaý organdarynyń qadaǵalaýynda bolady.