Búgin otandyq telearnada QR Prezıdentiniń teleradıokesheni túsirgen «Qańtar oqıǵasy. Bir jyl» jańa derekti fılmi kórsetiledi, dep habarlaıdy Egemen.kz.
Derekti fılmde 2022 jyly oryn alǵan qańtar oqıǵasynyń tolyq hronologııasy, onyń ishinde jappaı tártipsizdikterdiń bastalý sebebi, beıbit turǵyndardy arandatqan sodyrlar týraly egjeı-tegjeıli baıandalady.
Aıta ketsek, atalǵan derekti fılmde buǵan deıin jarııalanbaǵan faktiler aıtylyp, oqıǵa kýágerleriniń jańa derekteri usynylady. Sondaı-aq jappaı tártipsizdikterge qatysyp, sol úshin jazalanǵan adamdardyń eksklıýzıvti suhbattary kórsetiledi.
«Qańtar oqıǵasy. Bir jyl» atty derekti fılm búgin, 5 qańtarda Jibek Joly telearnasynda saǵat 20:30-da kórsetiledi.