Imam – qoǵamdy tárbıeleýshi, aǵartýshy ustaz. Otanshyl, eńbeksúıgish, amanatqa adal, ata-anasyn qadirleıtin ımandy urpaq tárbıeleýde ımamnyń atqaratyn róli erekshe. Allaǵa shúkir, halqymyzdyń rýhanı damýyna, qoǵamda otbasy qundylyǵynyń artýyna aǵartýshy ustazdar men din qyzmetkerleri úlken úles qosyp keledi.
О́zderińizge belgili, Memleket basshysy Qasym-Jomart Kemeluly 2022 jyldy Balalar jyly dep jarııalady. Prezıdent: «О́skeleń urpaqtyń úılesimdi damýy men baqytty balalyq shaǵy – bizdiń jalpyulttyq mindetimiz. Men Memleket basshysy retinde óskeleń urpaqtyń bolashaǵyna basa mán beremin», dep atap ótti.
Otbasyndaǵy bala tárbıesi – ózekti másele. Osy rette meshitter janynan ashylǵan otbasylyq keńes berý ortalyqtarynyń jumysyna basa nazar aýdarylyp otyr. Shyn máninde balalar arasynda kózi ashyq, kókiregi oıaý, oıy ushqyr búldirshinder az emes. Alaıda olardyń telefonǵa táýeldiligi, psıhologııalyq kúızelisi men jaman ádetterge áýestigi kez kelgen ata-anany oılandyrmaı qoımaıdy.
Imamdarymyz ben ustazdarymyz osy másele boıynsha ata-analarǵa rýhanı turǵydan kómektesip, tıisti keńes berip keledi. О́ıtkeni urpaǵymyzdy otansúıgishtikke, ata-anany qadirleýge, ımandylyq pen adamgershilikke baýlýymyz kerek. Osy baǵytta Qazaqstan musylmandary dinı basqarmasy janyndaǵy Áıel-qyzdar sektory men Jastar sektory ata-analarǵa keńes berý semınarlaryn, balalardy, jasóspirimderdi ımandylyqqa tárbıeleýge baǵyttalǵan dárister uıymdastyryp keledi.
2022 jyly elimiz boıynsha halyqqa otbasy qundylyǵy, Otannyń qadir-qasıeti, eńbek etýdiń mańyzy, salt-dástúr taqyryptarynda 274 872 ýaǵyz-nasıhat aıtyldy. Jyl boıy halyqtan kelip túsken 164 229 suraqqa jaýap berildi. Otbasylarǵa keńes berý maqsatynda 7918 kezdesý ótkizildi. Bizdiń ımamdarymyz ajyrasý týraly sheshim qabyldaǵan kóptegen otbasyna túsindirme jumystaryn júrgizip, olardyń nekeleriniń buzylmaýyna yqpal etýde. Allaǵa shúkir, osyndaı tabandy eńbektiń arqasynda qanshama otbasynyń shańyraǵy shaıqalmaı, basqa túsken synaqty sabyrmen jeńip, úılesimdi ómir súrip keledi.
Qazir qoǵam ónegeli rýhanı ustazdarǵa muqtaj. Din qyzmetkerlerine arnalǵan jıyndarda qoǵamnyń rýhanı qajettiligin óteýde ımamdardyń belsendi bolý qajettigin únemi qaperge salyp kelemin. Bul iste tabandylyq pen turaqtylyq tanytsaq, memleketimizdiń bolashaǵyna úlken úles qosatynymyz sózsiz. Alla Taǵala qudsı hadıste: «Qulymnyń ǵıbadatynyń maǵan unamdysy – Meni tanytýy men Meniń atymnan nasıhat etýi», dep baıandaıdy. Bul hadıs barsha din qyzmetkerine úlken jiger beretini sózsiz.
Qazirgi tańda ımamdardyń jan-jaqty, bilimdi bolýy – zaman talaby. Sapaly dinı kadr daıarlaý – Dinı basqarmanyń negizgi jumys baǵytynyń biri. Búgingi tańda elimiz boıynsha 7 258 din qyzmetkeri jumys isteıdi. Onyń 5 228-i – kásibı dinı maman. Dinı salada 206 (39%) magıstr, 10 (2%) ǵylym doktory qyzmet etýde. Qarılar sany – 132 (25%). 2023 jyly joǵary jáne arnaıy orta dinı bilimi bar din qyzmetkerleriniń (69%) sanyn 5 paıyzǵa (74%) kóterý josparǵa engizildi.
2022 jyly ımamdardyń bilimin jetildirý maqsatynda Astana qalasynan Hýsamýddın ás-Syǵanaqı atyndaǵy ıslam ınstıtýtyn ashtyq. Qazir ınstıtýtta 40 ımam bilimin jetildirýde. Jas qarılarymyzdy jigerlendirý maqsatynda ınstıtýt janynan Ijaza berý ortalyǵyn iske qostyq. Búgingi tańda respýblıka boıynsha 7 qarılar daıyndaý ortalyǵynda 536 qarı Quran jattaýda.
Osy jyly 603 stýdent Nur-Múbárak ýnıversıtetin, 9 medrese-kolledjin jáne Hasekı akademııasyn bitirdi. 158 ımam Respýblıkalyq ımamdardyń bilimin jetildirý ıslam ınstıtýtynda bilimin jetildirip shyqty. 1248 ımam arnaıy attestattaýdan ótti. Imamdardyń bilim deńgeıin kóterý boıynsha «Úzdiksiz bilim berý tujyrymdamasy» qujaty qabyldandy.
О́zderińizge málim, kóp jaǵdaıda jas mamandar úlken qalalarda qyzmet etýdi maqsat tutyp, baryn salady. Árıne, bul – jaqsy talpynys. Alaıda bul úrdis aýyldaǵy meshitterdiń jumysyna keri áser etetini belgili. Biz osy oraıda «Jas maman, aýylǵa qadam bas, maman» jobasyn júzege asyryp kelemiz. Osy baǵytta jas dinı mamandardy aýylǵa qyzmetke tartýdyń keshendi baǵdarlamasy ázirlenýde. Maqsatymyz – aýyldaǵy meshit jumysyn jandandyrý. Aýylǵa dinı qyzmetke baratyn jas mamandardyń áleýmettik máselesin tolyq sheshý baǵytynda tıisti jumystar atqarylyp keledi. Alla qalasa, qolǵa alǵan bul josparymyz oıdaǵydaı júzege asady degen úmittemiz.
Naýryzbaı qajy TAǴANULY,
QMDB tóraǵasy, Bas múftı