2022 jyly respýblıkalyq bıýdjetten 4700 bilim granty bólindi, onyń 1500 granty rezıdentýraǵa arnalǵan, dep habarlaıdy Egemen.kz.
Densaýlyq saqtaý mınıstrliginiń Ǵylym jáne adamı resýrstar departamentiniń habarlaýynsha, 2023 jyly Memleket basshysynyń tapsyrmasyn iske asyrý maqsatynda respýblıkalyq bıýdjet esebinen rezıdentýraǵa granttar sanyn 2500-ge deıin ulǵaıtý kózdelgen.
Sondaı-aq 2021 jyly bakalavrıat stýdentteri úshin shákirtaqy eki esege jýyq, ınternder úshin 25 paıyzǵa, rezıdentter, magıstranttar, doktoranttar úshin 15 paıyzǵa óskeni habarlandy.
«2025 jylǵa deıin shákirtaqyny jyl saıyn 15% jáne 20% arttyrý josparlanyp otyr. Bul jaqsy oqýǵa qosymsha serpin bolady jáne bizdiń ýnıversıtetterge myqty talapkerlerdi qosymsha tartady», dedi Ǵylym jáne adamı resýrstar departamentiniń Dáýlet Aldynǵurov.