О́tken jyldyń jeltoqsan aıynyń qorytyndysy boıynsha Soltústik Qazaqstan oblysynda ınflıasııa 20,6 paıyzdy quraǵan, dep habarlaıdy Egemen.kz.
Ulttyq statıstıka bıýrosynyń málimetinshe, bir jylda oblysta azyq-túlik taýarlarynyń baǵasy 25,7%-ǵa, azyq-túlikke jatpaıtyn ónimder - 19%-ǵa, aqyly qyzmetter - 14%-ǵa ósti.
Bir jyl ishinde qant 55%-ǵa, un 44%-ǵa qymbattady. Jarma 42%-ǵa, nan jáne kondıterlik ónimder – 41%-ǵa, makaron ónimderi – 33%-ǵa, sút ónimderi – 30%-ǵa jýyq, alkogolsiz sýsyndar – 23%-ǵa, et – 21%-ǵa ósti. Sondaı-aq jemister 25%-ǵa, jańa pisken kókónis baǵasy – 17%-ǵa jýyq ósken.
Tazalaý quraldarynyń baǵasy 36%-dan astam, turmystyq tehnıka - 2%-ǵa, turǵyn úı-jaılardy kútip ustaýǵa jáne jóndeýge arnalǵan materıaldar - 19%-ǵa, kıim men aıaq kıim - 17%-ǵa jýyq, farmasevtıkalyq ónimder - 14%-ǵa ósti.
Dál osy kezeńde turǵyn úıdi jaldaý aqysy shamamen 47%-ǵa óskeni baıqaldy. Qoǵamdyq tamaqtandyrý qyzmetteriniń quny, shashtaraz jáne jeke kútim qyzmetteri 26%-ǵa qymbattady.