Búgin Ǵylym jáne joǵary bilim mınıstri Saıasat Nurbek vedomstvo alqasynyń kýlýarynda qazaqstandyq JOO-lardyń qyzmetin retteýdi qaıta qaraý josparlary týraly aıtty, dep habarlaıdy Egemen.kz.
Saıasat Nurbektiń aıtýynsha, 2022 jyly Qazaqstanda 16 JOO lısenzııasynan aıyrylǵan. Qazir lısenzııadan aıyrý máselesi boıynsha 5 joǵary oqý ornymen sot prosesteri júrip jatyr.
«Bıyldan bastap biz memlekettik baqylaý modelin ózgertetin bolamyz. Bul rette «taza paraqtan» qaǵıdaty engiziledi. Qazir JOO-larda burynǵy klassıkalyq buzýshylyqtar áli de baıqalady. Munda materıaldyq-tehnıkalyq bazanyń stýdentter sanyna, joǵary bilim sapasyn qamtamasyz etýi tıis professorlyq-pedagogıkalyq quramnyń sanyna sáıkes kelmeýi, sondaı-aq kitaphana qorynyń sáıkes kelmeýi týraly aıtyp otyrmyz», dep atap ótti Saıasat Nurbek.