Qazaqstan Respýblıkasy Parlamenti Senatynyń depýtattary Sultan Dúısembınov pen Ǵalıaskar Sarybaev Taldyqorǵan qalasyndaǵy tabıǵı gazǵa qosylǵan №4 qazandyǵy men № 9 kómir qazandyǵyna bardy, dep habarlaıdy Egemen.kz.
Sapar barysynda kómir qazandyqtarynyń tabıǵı gazdy paıdalanýǵa kóshirýdiń mańyzy týraly másele kóterildi. Mundaı qadam kóptegen ekologııalyq máselelerdi sheshýge múmkindik beredi jáne aımaqtyń áleýmettik-ekonomıkalyq damýyna oń áser etedi. Kásiporyn basshylyǵy osyǵan baılanysty depýtattardy qaladaǵy barlyq jylý qazandyqtary tabıǵı gazǵa qosylatyny týraly aıtty.
«Qazandyqtardy kómirdi paıdalanýdan tabıǵı gazǵa aýystyrý naqty mýltıplıkatıvtik áserge ıe bolady jáne bul óńirdiń ekologııasyna ǵana emes, áleýmettik-ekonomıkalyq damýyna da oń áser etýi múmkin. Sondyqtan biz qala ekologııasyn jaqsartý jumysyn baıaýlatpaımyz, bul baǵyttaǵy jumystar qarqyndy júrgizilýi tıis», dep atap ótti senator Ǵalıasqar Sarybaev.
Senatorlar bólinetin bıýdjet qarjysynyń tıimdi jáne maqsatty paıdalanylýyna baqylaýdy kúsheıtýge erekshe nazar aýdardy. Sondaı-aq kóp qabatty úılerge arnalǵan ınjenerlik jeliler qurylysynyń barysymen tanysty.
Senatorlar sonymen qatar № 19 gýmanıtarlyq-tehnıkalyq kolledjde boldy jáne oqý ornynyń jaı-kúıimen tanysyp, oqytýshylar quramymen kezdesti.