IIM Ákimshilik polısııa komıteti tóraǵasynyń mindetin atqarýshy Qaısar Sultanbaev birqatar mańyzdy suraqtarǵa jaýap berdi, dep habarlaıdy Egemen.kz Polisia.kz saıtyna silteme jasap.
3-5 qańtar aralyǵynda polısııa qyzmetkerleri tótenshe jaǵdaı qyzmetterimen jáne Qorǵanys mınıstrliginiń áskerı qyzmetshilerimen birlesip, 1212 adamdy evakýasııalady, olardyń 173-i balalar. Shamamen 100 avtokólikti qardan súırep shyǵardy.
«Osyǵan oraı azamattardan joldaǵy jaǵdaıdy aldyn ala bilip, asa qajettiliksiz eshqaıda shyqpaýdy taǵy da suraımyn. Jol qatelikti keshirmeıtindigin este saqtaǵan jón!», dedi Q.Sultanbaev.
Aýa raıynyń nasharlaýyna baılanysty jabyq ýchaskeler týraly senimdi aqparatty 112, 102 telefondary arqyly, sondaı-aq «QazAvtoJol» Ulttyq kompanııasy» aksıonerlik qoǵamy baılanys ortalyǵynyń 1403 telefony arqyly bilýge bolady.