Jańa jyl bastala salysymen tabıǵat raıy san qubylyp tur. Qolaısyz aýa raıyna baılanysty joldar jabylyp, jolaýshylar dittegen jerlerine jete almaı jatyr.
Qutqarý qyzmeti Darmen mobıldik baǵdarlamasy arqyly aýa raıynyń nasharlaýyna baılanysty respýblıkalyq avtojoldardyń úsh bóligi jabylǵany týraly eskertý taratty. Máselen, Soltústik Qazaqstan óńirinde qar jaýyp, boran soqqannan joldardyń kórinýi 50 metrden de az qashyqtyqta bolǵan.
«Jezqazǵan – Petropavl» tasjolynyń Aqmola oblysynyń shekarasynan Sergeevka qalasy, Shal aqyn aýdanyna deıingi bóligi, «Ekaterınbýrg – Almaty» tasjolynyń Toqsan bı aýylynan Aqmola oblysynyń shekarasyna deıingi aýmaǵy jáne «Kókshetaý – Rýzaevka» joly Aqmola oblysynyń shekarasynan Rýzaevka aýylyna deıin kóliktiń barlyq túri úshin barlyq baǵytqa jabyldy.
Keshe bul óńirde aýa raıyna baılanysty eskertý jarııalanǵan bolatyn.
Sondaı-aq qardyń kóp mólsherde jaýýyna baılanysty Semeı qalasynyń kóshelerin qar basty. Jergilikti atqarýshy organdardyń ótinishi boıynsha 2023 jylǵy 8 qańtarda saǵat 9.10-da TJM 68303 áskerı bóliminiń áskerı qyzmetshileri aldyn alý jumystaryn júrgizý úshin qar shyǵarýǵa kiristi. Qazirgi ýaqytta 150 tonna qar shyǵaryldy. Qalanyń ortalyq kóshelerinen qar shyǵarý jumystary jalǵastyrylýda.
Abaı oblysynda qutqarýshylar naýqas balany aýyldan aýdandyq aýrýhanaǵa tasymaldaýǵa kómektesti. 2023 jylǵy 6 qańtarda keshke qaraı «112» pýltine Jarma aýdany Qyzylaǵash aýylynan ystyǵy kóterilgen naýqas balany Aıagóz qalasynyń aýdandyq aýrýhanasyna shuǵyl tasymaldaý talap etiletini týraly habarlama keldi, óıtkeni aýa raıynyń qolaısyzdyǵy men boranǵa baılanysty aýylǵa jol bolmady. Shaqyrý ornyna Aıagóz aýdanynyń №13 órt sóndirý bóliminen qutqarýshylar – joǵary ótimdilik tehnıkasy 2 Nıva marsh, jeke quramnyń 4 adamy jáne Aıagóz qalasynyń aýdandyq aýrýhanasynan 2 feldsher shyqty. Oqıǵa ornyna kelgennen keıin balaǵa alǵashqy medısınalyq kómek kórsetildi. Jumys barysynda qutqarýshylar dárigerdiń, feldsherdiń jáne ákesiniń súıemeldeýimen balany Aıagóz qalasynyń ortalyq aýdandyq aýrýhanasyna tasymaldaýǵa kómektesti. Qazirgi ýaqytta balanyń jaǵdaıy qanaǵattanarlyq.
Al Aqtóbe oblysynyń aýmaǵynda muzdyń erýine baılanysty qaýipti kezeńniń (kúndiz aýa temperatýrasy -2, túnde keı jerlerde +1) bastalýyna baılanysty qolaısyz jaǵdaı oryn aldy. 7 qańtar kúni saǵat 17.48-da Oıyl aýdany Qaıyńdy aýylyndaǵy Oıyl ózenine Ýaz markaly avto kólik muz astyna túsip ketti, oqıǵa ornynan júrgizýshi men 2 jolaýshy shyǵyp úlgerdi, medısınalyq kómekti qajet etpedi. Oqıǵa qysqy kezeńde sý aıdyndarynda qaýipsizdik erejelerin saqtamaý sebebinen oryn aldy.
Sonymen qatar jol qozǵalysynyń shektelýine baılanysty 7 qańtar kúni 22 saǵat 12 mınýtta Áıteke bı aýdany Samara – Shymkent tas jolynyń 968 shaqyrymynda adamdardy evakýasııalaý qajettiligi týraly aqparat tústi. Oqıǵa ornyna aýdandyq qutqarýshylar jiberildi. Qutqarýshylardyń kómegimen eki jolaýshylar avtobýstarynan barlyǵy 35 adam (onyń ekeýi bala) Qarabutaq aýyldyq meshitine evakýasııalandy. Zardap shekkender joq.
Túngi ýaqytta aýa raıynyń qolaısyzdyǵynan qozǵalys qaýipsizdigin saqtaýǵa baılanysty avtokólikter blokbeketterde turdy.
2023 jylǵy 7 qańtar kúni 112 qutqarý qyzmetine saǵat 18-03-te Aqtóbe oblysy Oıyl aýdanynyń Kóptoǵaı aýyldyq okrýginde Maıdan sharýa qojalyǵynyń malshysy tańerteń mal baǵýǵa shyǵyp, qaıtyp oralmaǵany jóninde habarlama kelip tústi. 1962 jyly týǵan azamat 8 qańtar kúni saǵat 05.00-te Kóptoǵaı aýyldyq okrýginiń «Maıdan» sharýa qojalyǵy Jarmaózek qystaǵynan 3 shaqyrymdaı jerden jergilikti turǵyndar kómegimen aman-esen tabyldy. Medısınalyq kómekti qajet etpedi.