Foto: Aqorda
Prezıdenttiń aıtýynsha, byltyr respýblıka boıynsha 1200-ge jýyq ekologııalyq is-shara ótti, 1 mıllıon gektardan astam aýmaq tazartyldy, shamamen 4 mıllıonǵa jýyq tal egildi.
«Igi bastamaǵa 800 myńǵa jýyq volonter qatysty. Qazir álemde qorshaǵan ortanyń lastanýy, klımattyń ózgerýine baılanysty kóptegen syn-qater paıda boldy. Ekologııalyq qaýipsizdik ulttyq qaýipsizdik máselesine aınaldy. Halyqaralyq qaýymdastyq tabıǵatty qorǵaý máselesine basa mán berip otyr. Qazaqstan da osy baǵytta naqty bastamalar kóterip keledi», dedi Prezıdent.
Memleket basshysy keshe Astanada Birikken Ulttar uıymynyń aıasynda uıymdastyrylǵan О́ńirlik ekologııalyq sammıt aıaqtalǵanyn eske saldy.
«Osy aýqymdy forým sheńberinde ekovolonterlikke, resýrstardy únemdeý máselelerine arnalǵan mańyzdy is-sharalar ótti. Buǵan deıin de aıtqanymdaı, álemde eshqandaı el ekologııa máselesin jalǵyz ózi sheshe almaıdy. Bul asa kúrdeli, jaýapty jumys, sondyqtan osy baǵytta dıplomatııalyq kúsh-jigerdi, ǵylymdy, bıznesti, qoǵamdy, volonterlerdi, bir sózben aıtqanda, maqsatker jastardy jumyldyrý qajet. О́ıtkeni patrıot jastar árdaıym ózgeristerdiń kósh basynda júredi. Sizderdiń tarıhı mıssııalaryńyz – elimizdi joǵary tehnologııalar men óner, ǵylym jáne gýmanıstik qundylyqtar salalarynda meılinshe damyǵan memleketter qataryna qosý», dedi Memleket basshysy.
Eske sala keteıik, búgin Memleket basshysy «Taza Qazaqstan» respýblıkalyq ekologııalyq aksııasyna qatysyp, jastarǵa rızashylyǵyn bildirdi.
