Qazaqstanda qoǵamdyq oryndarda ádepsiz sózder aıtqan (usaq buzaqylyq) úshin aıyppul 4 esege deıin ósedi. Bul týraly IIM Ákimshilik polısııa departamenti basshysynyń orynbasary Azamat Qurymbaev aıtty, dep habarlaıdy Egemen.kz.
«Ákimshilik quqyq buzýshylyq kodeksiniń jańa nusqasynda qoǵamdyq oryndarda dóreki sózder aıtý, jeke tulǵalardy qorlaý jáne olarǵa qysym kórsetý, ǵımarattardy, qurylystardy, turǵyn úı-jaılardy, ortaq paıdalaný oryndaryn, kóliktegi jáne qoǵamdyq oryndardaǵy múlikti qorlaý jáne aınalasyndaǵylarǵa qurmetsizdik bildiretin, qoǵamdyq tártipti jáne jeke tulǵalardyń tynyshtyǵyn buzatyn basqa da osyndaı áreketter usaq buzaqylyq bolyp sanalady», dedi Azamat Qurymbaev.
Onyń aıtýynsha, endi usaq buzaqylyq úshin sot 5 AEK, ıaǵnı 17 250 teńge aıyppul nemese 15 táýlikke deıin qamaýǵa alý jazasyn taǵaıyndaıdy.
Jańartylǵan kodeks boıynsha, aıyppul 20 AEK – 69 myń teńgeni quraıdy nemese 5 kúnnen 30 táýlikke deıin qamaýǵa alý jazasyn kózdeıdi.
Túzetýler alǵashqy resmı jarııalanǵannan keıin 60 kún ótken soń kúshine enedi. Prezıdent túzetýlerge 2023 jyldyń 3 qańtarynda qol qoıdy.