Belarýs prezıdenti Aleksandr Lýkashenko eldegi monastyrlyq keshenderdiń birindegi ǵıbadathanany aralaý kezinde óz densaýlyǵyna qatysty qaýesetterge pikir bildirdi, dep habarlaıdy Egemen.kz.
Áleýmettik jelilerde taraǵan kadrlarda memleket basshysynyń Áýlıe Elızaveta monastyriniń konfesseri, protoıereı Andreı Lemeshonokpen sóılesip jatqany kórsetilgen. Din ókili oǵan Prezıdent pen elde bári jaqsy bolatynyn aıtty.
«Sonda maǵan áli ólýge bolmaı ma?», dedi Lýkashenko ázildep.
Ol elden kóship kelgen «qashqyn» oppozısıonerler ony únemi «jerlep» júretinin aıtty. Lýkashenko adamdardy «jerleý» jáne olardyń densaýlyǵy týraly teris sóz aıtý orynsyz ekenin eske saldy.
Osylaısha, ol óziniń densaýlyǵyna qatysty aıtylǵan qaýesetterdiń negizsiz ekenin ańǵartty.