2023 jyly elimizden 4 myń adam úlken qajylyqqa barady. Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly Jıdda qalasynda Saýd Arabııasy koroldiginiń Qajylyq jáne umra mınıstri Taýfık ıbn Faýzan ar-Rabıamen kezdesip, tıisti qujatqa qol qoıdy, dep habarlaıdy Egemen.kz QMDB-ǵa silteme jasap.
Naýryzbaı qajy Taǵanuly qazaqstandyq qajylarǵa qolaıly jaǵdaı jasaý boıynsha mınıstrge óz usynysyn jetkizdi. Atap aıtqanda, Qazaqstan qajylaryn jetkizetin áýe tasymalynyń qyzmet qunyn halyqqa tıimdi baǵada bekitý, otandastarymyzdyń qaýipsizdigin qamtamasyz etý, qonaqúı baǵasyna barynsha jeńildik jasaý, qyzmet sapasyn arttyrý, tólem jasaý júıesin ońtaılandyrý jáne basqa da máseleler talqylandy.
Qazaqstan qajylaryna qyzmet kórsetýge laıyqty dep tanylǵan, ıaǵnı konkýrstyq negizde anyqtalǵan qajylyq kompanııalary uly sapardyń uıymdastyrý-úılestirý jumystarymen aınalysady.