Qazaqstannyń Tájikstandaǵy elshiliginiń bastamasymen jáne Túrkistan oblysy ákimdiginiń qoldaýymen Qazaqstan men Tájikstan arasyndaǵy dıplomatııalyq qatynastardyń ornaǵanyna 30 jyl tolýyna arnalǵan Shámshi Qaldaıaqov atyndaǵy oblystyq fılarmonııasynyń óner sheberleriniń konserti ótti, dep habarlaıdy Egemen.kz.
Saltanatty sharaǵa Tájikstan Respýblıkasynyń mınıstrlikteri men vedomstvolarynyń, BAQ ókilderi jáne elde akkredıttelgen dıplomatııalyq korpýs qatysty.
Qazaqstan elshisi Ýálıhan Tórehanov óziniń quttyqtaý sózinde eki el arasyndaǵy ózara qarym-qatynastyń joǵary deńgeıin, strategııalyq áriptestik, ózara tıimdi saýda-ekonomıkalyq jáne mádenı-gýmanıtarlyq yntymaqtastyq jaıly atap ótti.
Saltanatty konsert barysynda qazaqtyń halyq ánderi men kúıleri, Sh. Qaldaıaqov, N. Tilendıev, M. Baıbosynov jáne basqa da avtorlardyń belgili shyǵarmalary oryndaldy.