Bul týraly Egemen.kz Oqý-aǵartý mınıstrliginiń baspasóz qyzmetine silteme jasap habarlaıdy.
Oqý-aǵartý mınıstrligi pikirsaıysty keńinen nasıhattaý maqsatynda pikirsaıys týrnırlerin ótkizýdiń tujyrymdamasy men erejesin ázirledi. Oqýshylar men stýdentterdi oqytý úshin 10-ǵa jýyq jobalyq keńse men shtab ashyldy, onda álemdik arenada tanymal pikirsaıysshylardyń qatysýymen túrli trenıngter men vebınarlar uıymdastyrylady.
Máselen, bıylǵy oqý-jattyǵýdy álem chempıonatynyń fınalısi jáne pikirsaıys boıynsha Azııa chempıony Djoshýa Park ótkizdi. 2021 jyldan bastap tájirıbe almasý úshin Telegram arnasy jáne WhatsApp-ta «Pikirsaıys qozǵalysy/Debatnoe dvıjenıe» chaty jumys isteıdi. Ol chattarda búgingi kúni 5 myńǵa jýyq adam bar.
«Búginde oqýshylar men stýdentter arasynda keń taraǵan jáne tanymal trendterdiń biri – ol debat. Bul qozǵalystyń damýy týraly el Prezıdenti Qasym-Jomart Toqaev ta aıtqan edi. Debattar tanymdyq daǵdylardy damytady. Synı turǵydan oılaý qabileti – HHI ǵasyr adamynyń negizgi daǵdylarynyń biri, óıtkeni kórip otyrǵanymyzdaı, jańa býyn jastary belsendiligimen jáne ártúrli qyzyǵýshylyqtarymen erekshelenedi. Osy daǵdylardy damytý úshin debat klýbtary jumys isteıdi. Olardyń qatary jyl saıyn artyp kele jatqany qýantady. Búgingi tańda pikirsaıysshylardy qoldaý maqsatynda túrli vebınarlar ótkizilip, qarjylaı qoldaý kórsetiledi, al iri týrnırlerdiń jeńimpazdaryna jergilikti ýnıversıtetterge granttar bólinedi. Bul qoldaý sharasynyń barlyǵy debat qozǵalysyn odan ári tanymal ete túsedi, al onyń nátıjesi balalarymyzdyń bilim sapasyna oń áser etedi», dedi Respýblıkalyq qosymsha bilim berý oqý-ádistemelik ortalyǵynyń dırektory Raısa Sher.