IIM Esirtki qylmysyna qarsy is-qımyl departamenti men Qostanaı oblysynyń polıseıleri Qarjy monıtorıngi agenttigimen birlesip, Qostanaı jáne Rýdnyı qalalarynda Telegram alańynda jumys isteıtin sıntetıkalyq esirtkilerdi ótkizetin ınternet-dúkendi joıdy, dep habarlaıdy Egemen.kz.
Internet-dúken týraly aqparat jınap, jumys shemasyn jáne onyń ákimshilerin zerttegennen keıin qylmyskerler júrgizgen qarjylyq operasııalarǵa baqylaý jasaldy. Osy kezeńde Qarjy monıtorıngi agenttiginiń qarjylyq barlaý bólimshesiniń mamandary jumysqa qosyldy. Mamandarmen «drop» dep atalatyn jalǵan tulǵalardyń bank kartalaryna túsetin barlyq aqsha aýdarymdary týraly málimetter jınaqtaldy.Internet-dúkenniń qyzmetterin 500-den astam tutynýshy paıdalanǵany anyqtaldy. Onyń jumysy barysynda bógde adamdardyń tólem kartalary arqyly esirtki satý boıynsha keminde 15 myń mámile júrgizilgen.
IIM Esirtki qylmysyna qarsy is-qımyl departamenti bastyǵynyń orynbasary Asqar Muhametqalıev túsindirgendeı, joıylǵan ınternet-dúken arqyly sıntetıkalyq esirtkilerdiń tek jańa túrleri ǵana satylǵan.