Elorda ákimdigi bul kópirdiń buǵan deıin apatty dep tanylǵanyn aıtty. Osyǵan baılanysty jol ótpesiniń oń jaǵy jóndeldi, onyń qozǵalysy 2022 jyldyń jazynda ashyldy, dep habarlaıdy Egemen.kz.
Jýyrda ǵana eki jyldyq jóndeýden keıin ashylǵan Alash kópiriniń joly taǵy jarylyp ketti. Elorda ákimdigi oqıǵaǵa qatysty túsinikteme berdi.
«Alty aı buryn kópirdiń oń jaǵy ǵana jóndelgen. Kóldeneń asfaltbeton jabynynyń ishinara deformasııasy jóndeý júrgizilmegen jol ótpesiniń sol jaǵynda oryn aldy. Osyǵan baılanysty jol ýchaskesi jol belgilerimen belgilenip, avarııalyq ýchaskeni qalpyna keltirý boıynsha is-sharalar júrgiziledi», delingen ákimdik habarlamasynda.