Aqparat jáne qoǵamdyq damý mınıstrliginiń tapsyrysy boıynsha Azamattyq bastamalardy qoldaý ortalyǵy 2023 jylǵa arnalǵan ÚEU úshin memlekettik granttar berýge konkýrs jarııalady, dep habarlaıdy Egemen.kz.
Konkýrs 47 memlekettik grantty iske asyrýǵa, onyń ishinde 22 qysqa merzimdi, 16 orta merzimdi jáne 9 uzaq merzimdi joba 6 sala boıynsha jarııalandy:
1) halyqtyń áleýmettik turǵydan osal toptaryn qoldaý;
2) azamattyq qoǵamdy damytýǵa, onyń ishinde úkimettik emes uıymdar qyzmetiniń tıimdiligin arttyrýǵa járdemdesý;
3) azamattar men uıymdardyń quqyqtaryn, zańdy múddelerin qorǵaý;
4) qoǵamdyq kelisimdi jáne jalpyulttyq birlikti nyǵaıtý;
5) jastar saıasaty men balalar bastamalaryn qoldaý;
6) otbasylyq-demografııalyq jáne genderlik máselelerdi sheshýge járdemdesý.
Barlyq ótinimder grants@cisc.kz elektrondyq poshtasy arqyly qabyldanady. Sondaı-aq operatorǵa ótinimdi (qujattardy) qolma-qol tapsyrýǵa da bolady.
Azamattyq bastamalardy qoldaý ortalyǵynyń keńsesi: Astana qalasy, Qabanbaı batyr dańǵyly, 11/5, 5 qabat, 504/3 kabınette ornalasqan.
Qysqa merzimdi jáne orta merzimdi granttarǵa ótinimder operatorǵa 12 qańtar - 1 aqpan aralyǵynda Astana ýaqyty boıynsha 18.30-ǵa deıin, uzaq merzimdi granttarǵa 12 qańtar - 15 aqpan aralyǵynda Astana ýaqyty boıynsha 18.30-ǵa deıin qabyldanady.
Qosymsha suraqtar boıynsha Ortalyq menedjerlerine 8 (7172) 79-08-04, 79-08-28, 79-08-07 nómirleri arqyly habarlasýǵa bolady.
Baıqaý týraly tolyq aqparat Azamattyq bastamalardy qoldaý ortalyǵynyń saıtyna ornalastyrylǵan.