Elordadan bir túnde 21 myń tekshe metrden astam qar shyǵaryldy, dep habarlaıdy Egemen.kz qala ákimdiginiń resmı saıtyna silteme jasap.
12 qańtar kúni tańerteń qar kúreý jumysyna eki myńǵa jýyq jol jumysshysy men myńnan astam arnaıy tehnıka jumyldyryldy.
О́tken túnde qaladan 21 myń tekshe metrden astam qar nemese 1 568 júk kóligi shyǵaryldy.
Qys mezgili bastalǵaly beri polıgondarǵa barlyǵy 1,8 mln tekshe metrden astam qar shyǵaryldy, bul 142 167 aýyr júk kólemine teń.
Qaladaǵy negizgi trotýarlar men kóshelerdiń bárine kóktaıǵaqty boldyrmaý jáne turǵyndardyń jaıly qozǵalysy úshin qum-tuz qospasy sebiledi.
Esterińizge sala keteıik, Astanada aptanyń basynan beri qatty aıaz ornap tur. Elorda turǵyndary men qonaqtary kóktaıǵaq kezinde qaýipsizdik, qozǵalys erejelerin qatań saqtaýy kerek, sondaı-aq dalada uzaq ýaqyt bolmaýǵa keńes beriledi.