13 qańtarda Qazaqstan Parlamenti palatalarynyń birlesken otyrysynda depýtattar «QR Tuńǵysh Prezıdenti – Elbasy týraly» zańnyń kúshin joıý týraly zań qabyldady, dep habarlaıdy Egemen.kz.
Qabyldanǵan zańǵa sáıkes Nursultan Nazarbaev Qazaqstan Respýblıkasynyń eks-prezıdenti mártebesine ıe bolady.
Ol respýblıka Parlamenti palatalarynyń birlesken otyrystaryna, Respýblıka Prezıdenti qyzmetine kirisýge arnalǵan saltanatty otyrystarǵa, Respýblıkanyń memlekettik merekelerine jáne memleket ótkizetin ózge de is-sharalarǵa qatysýǵa quqyly.
Onyń ar-namysy men qadir-qasıetine qol suǵylmaıdy delingen. Respýblıkanyń eks-prezıdentiniń ar-namysy men qadir-qasıetine qol suǵýshylyq zań boıynsha qýdalanady.
Zańǵa sáıkes eks-prezıdent pen onyń otbasyn qamtamasyz etý, olarǵa qyzmet kórsetý jáne qorǵaý memleket esebinen júzege asyrylady.
Oǵan qazirgi Prezıdenttiń laýazymdyq jalaqysynyń 80% mólsherinde ómir boıy zeınetaqy taǵaıyndaldy. Bul rette onyń zeınetaqysy Respýblıka Prezıdentiniń laýazymdyq jalaqysynyń ósýin eskere otyryp arttyrylatyn bolady.
Sondaı-aq páter men memlekettik saıajaı jeke menshikke berilmeı, qajetti qyzmet kórsetýmen, jeke kúzetpen, júrgizýshileri bar jeke avtokólikpen, el boıynsha tegin jol júrýmen, medısınalyq qyzmet kórsetýmen jáne sanatorıı-kýrorttyq emdeýmen qamtamasyz etiledi.
Prezıdenttik kezeńde qurylǵan jeke muraǵat pen jeke kitaphana onyń menshiginde bolady.
Burynǵy prezıdent mártebesine ıe bola otyryp, Nursultan Nazarbaev memleketke opasyzdyq jasaý jaǵdaılaryn qospaǵanda, Respýblıka Prezıdentiniń ókilettikterin oryndaýǵa baılanysty is-áreketteri úshin jaýapty bolmaıdy.
Máselen QR Tuńǵysh Prezıdenti týraly zań kúshin joıǵannan keıin Nursultan Nazarbaev:
Elbasy ataǵynan: QR Prezıdenttigine saılaný quqyǵynan; Qazaqstan halqyna joldaý jasaý quqyǵynan, memlekettik organdarǵa jáne laýazymdy adamdarǵa memlekettik qurylystyń, eldiń ishki jáne syrtqy saıasaty men qaýipsizdiginiń asa mańyzdy máseleleri boıynsha bastamalarmen júginý mindetinen; el úshin mańyzdy máselelerdi talqylaý kezinde QR Parlamenti men onyń palatalarynyń aldynda, Úkimet otyrystarynda sóz sóıleý quqyǵynan; Qazaqstan Respýblıkasy Konstıtýsııalyq Keńesiniń quramyna kirý quqyǵynan aıyrylady.Sondaı-aq kelesi nagradalar men syılyqtar joıylady:
«Qazaqstan Respýblıkasynyń Tuńǵysh Prezıdenti - Elbasy Nursultan Nazarbaev» ordeni, ol azamattardyń memlekettik jáne qoǵamdyq qyzmettegi erekshe eńbegi úshin berilgen. Qazaqstan Respýblıkasynyń Tuńǵysh Prezıdenti - Elbasynyń demokratııa men áleýmettik progresti damytqany, halyqtar arasyndaǵy beıbitshilik pen dostyqty nyǵaıtqany úshin Qazaqstan Respýblıkasynyń Prezıdenti bergen jyl saıynǵy beıbitshilik pen progress Memlekettik syılyǵy.Sondaı-aq:
Jeke menshik quqyǵynda jáne onymen birge turatyn otbasy múshelerine, sondaı-aq olar paıdalanatyn turǵyn jáne qyzmettik úı-jaılarǵa, qyzmettik kólikke, baılanys quraldaryna, hat almasýǵa, olarǵa tıesili qujattarǵa tıesili múlikke;Qazaqstan Respýblıkasynyń Tuńǵysh Prezıdenti - Elbasy qoryna jáne ol qurǵan ózge de zańdy tulǵalarǵa tıesili múlikke; Oǵan jeke menshik quqyǵymen jáne onymen birge turatyn otbasy múshelerine tıesili múlikke; О́zi qurǵan zańdy tulǵalardyń múlkine; Bank qupııasynyń kepildigi, bank shottaryna jáne onymen birge turatyn otbasy múshelerine qol suǵylmaýshylyq joıylady.Budan basqa Qazaqstan Respýblıkasynyń Tuńǵysh Prezıdenti - Elbasynyń Keńsesi taratylady.