Búgin elordada «Samuryq-Qazyna» kompanııalar tobynyń biryńǵaı qaıyrymdylyq operatory – «Samruk-Kazyna Trust» áleýmettik jobalardy damytý qory 2022 jylǵy jumsyn qorytyndylady, dep habarlaıdy Egemen.kz.
Jıynǵa Qazaqstanda qaıyrymdylyqpen aınalysatyn ÚEU, qordan kómek alǵan balalar men eresekter, «Samuryq-Qazyna» qory tobynyń qyzmetkerleri men kompanııalarynyń basshylary, BAQ ókilderi jáne qoǵam belsendileri qatysty.
О́tken jyly «Samuryq-Qazyna» kompanııalar toby qaıyrymdylyqqa jumsalatyn bıýdjetti 40%-ǵa, ıaǵnı 10 mlrd teńgege deıin ulǵaıtyp, balalar men Qazaqstan aımaqtaryn qoldaýǵa basa nazar aýdardy. Bir jyl ishinde 43 áleýmettik joba júzege asyrylyp, 500 myńǵa jýyq azamat qajetti kómek alǵan.
Tyń bastamalardyń qatarynda óńirlerdegi 80 000-nan azamatqa kómek kórsetken medısına poıyzdary; respýblıkamyzdyń 15 qalasynda turatyn erekshe balalarǵa beıimdelgen sportpen aınalysýǵa múmkindik beretin «Salamatty bolashaq»; Shymkent, Qaraǵandy, Taldyqorǵan, Aqtaý, О́skemen jáne Oral qalalaryndaǵy perzenthanalardy sábı ómirin saqtaýǵa arnalǵan gıpotermııalyq qurylǵylarmen qamtamasyz etý jobalary bar.
«Samuryq-Qazyna» qorynyń basqarýshy dırektory Ǵıbrat Aýǵanovtyń aıtýynsha, Qor qaıyrymdylyqqa jumsalatyn qarjyny odan ári arttyrýdy kózdep otyr. Dálirek aıtqanda, «Samuryq-Qazyna» qory taza tabysynyń 7%-yn «Qazaqstan halqyna» áleýmettik qoryna aýdarady. Aldyn ala boljam boıynsha, bul shamamen 130 mıllıard teńgeni quraıdy. Osylaısha «Samuryq-Qazyna» kompanııalar tobynyń qaıyrymdylyqqa jumsaıtyn shyǵyny 13 ese artady.
Aıta ketsek, esep berý kezdesýiniń aldynda paneldik sessııa ótti. Onda Qazaqstannyń qaıyrymdylyqpen aınalysatyn iri ÚEU ókilderi sóz sóıledi. Olar oblystyq jáne respýblıkalyq deńgeıde jumys isteý tájirıbesimen bólisip, qaıyrymdylyq salasyndaǵy keıingi jańalyqtardy zerdeledi.
Otyrys barysynda qatysýshylar «Samuryq-Qazynaǵa» kórsetken kómegi úshin alǵysyn bildirip, bolashaqqa úlken josparlary bar ekenin habarlady. Enshiles kompanııalardyń ókilderi aldaǵy ýaqytta da azamattardyń ıgiligi úshin birlesken jumysty jalǵastyrýǵa daıyn ekenin jetkizdi.
Jıyn sońynda «Astana Opera» teatrynyń kameralyq zalynyń sahnasynda 2022 jyly kómek alǵan 30-ǵa jýyq erekshe bala óner kórsetti. Olardyń arasynda «Zamandas» jáne «Qamqorlyq» jobalarynyń qatysýshylar da bar. Alǵashqysynda elordadaǵy az qamtylǵan otbasylardyń balalaryna tegin úıirmeler uıymdastyrylsa, «Qamqorlyq» jobasy arqyly el aımaqtarynda erekshe balalarǵa arnalǵan ońaltý ortalyqtary ashylyp keledi.