Abaı oblysynyń máslıhat hatshysy Qýanysh Súleımenov saılaýdy ótkizýge zańdyq negiz baryn atap ótti, dep habarlaıdy Egemen.kz ákimdiktiń baspasóz qyzmetine silteme jasap.
«Qazaqstan Respýblıkasynyń zańdaryna sáıkes Parlament Senatyna depýtat saılaýy ótip jatyr. Saılaýǵa oblystaǵy barlyq deńgeıdegi depýtattardyń 108-i qatysyp otyr», dedi máslıhat hatshysy. Abaı oblysynyń aýmaqtyq saılaý komıssııasynyń tóraıymy Natalııa Fesenkonyń aıtýynsha QR Konstıtýsııasyna jáne «Saılaý týraly» QR konstıtýsııalyq zańynyń talaptaryna sáıkes kelgen úsh úmitker – Ápenov Kımalıdın Saǵalbaıuly, Maslova Anjela Vladımırovna, Tastekeev Qaırat Qulbaıuly resmı tirkelip saılaýǵa qatysty. Saılaýshylar jeke kýálikterin kórsetip, óz daýystaryn qupııa túrde beredi.
Saılanǵan úmitker saılaýshylardyń 50 paıyz daýysyn alsa, ótti dep esepteledi.
Búgingi saılaýǵa daýys berý múmkindigi bar Abaı oblysyndaǵy 123 depýtattyń 108-i qatysyp, óz tańdaýlaryn jasady. Daýys berýdiń aldyn ala qorytyndysy boıynsha Apenov Kımaldın 10 daýys, Maslova Anjela 7 daýys, Tastekeev Qaırat 89 daýys jınasa, barlyǵyna qarsy 2 daýys berilgen.