Pavlodar oblysy boıynsha Estaı atyndaǵy mádenıet saraıynda ótken depýtattardyń birlesken otyrysynda aýdandyq, qalalyq jáne oblystyq máslıhat ókilderi Senat depýtatyn tańdady, dep habarlaıdy Egemen.kz Pavlodarnews.kz-ke silteme jasap.
Basym daýysqa ıe bolǵan Ernur Áıtkenov Joǵary palataǵa joldama aldy. Atap aıtqanda, 148 depýtat Ernur Áıtkenovti, 21 depýtat Dınara Aıtjanovany qoldady. Bir depýtat «Barlyǵyna qarsymyn» degen jolaqqa belgi qoıǵan.Endigi rette saılaý nátıjesi Ortalyq saılaý komıssııasyna berilip, keıin tirkeýden ótedi.Aıta ketelik, Pavlodar qalasyndaǵy Estaı atyndaǵy mádenıet saraıynda QR Parlamenti Senatynyń depýtatyn saılaý ótti. Joǵary palatanyń depýtaty atanatyn azamatty óńirdegi barlyq deńgeıli 14 máslıhattyń depýtattary tańdady.Jalpy, aımaqta 187 depýtat bar. Búgingi saıası naýqanǵa olardyń 170-si qatysty.