Indonezııanyń Soltústik Sýmatra provınsııasynyń jaǵalaýynda 6,0 balldyq jer silkinisi boldy. Bul týraly Eýropalyq-Jerorta teńizi seısmologııalyq ortalyǵy habarlady, dep jazady Egemen.kz.
Jer silkinisi Sýmatra aralynyń jaǵasynan batysqa qaraı UTC ýaqyty boıynsha jeksenbi kúni saǵat 22.30-da tirkeldi.
Jer asty dúmpýleriniń epısentri shamamen 209 myń halqy bar Pematangsıantar qalasynan 153 shaqyrym jerde boldy. Zilzala oshaǵy 80 shaqyrym tereńdikte ornalasqan. Zardap shekkender týraly ázirge aqparat joq.