ASTANA. 12 maýsym. Eýrazııalyq ekonomıkalyq odaq jańa kúshtiń bastaýyna aınalady. Belarýs eliniń prezıdenti Aleksandr Lýkashenko serbııalyq jýrnalısterge bergen suhbatynda osylaı dedi. Bul týraly Epochtimes.ru habarlady.
Aleksandr Lýkashenkonyń aıtýynsha, 2015 jyldyń 1 qańtarynan óz jumysyn bastaǵaly otyrǵan Eýrazııalyq ekonomıkalyq odaqtyń bolashaǵy óte zor.
Belarýs prezıdenti: «Atalǵan odaq tyń kúshtiń qaınary bolady. Ol álemdik qaýymdastyqqa óziniń ómirsheńdigi men aıqyn baǵyt-baǵdaryn kórsetedi», – dedi.
Budan bólek, ol Eýrazııalyq ekonomıkalyq odaqqa Qytaı, Vetnam men Úndistan syndy iri elder qyzyǵýshylyq tanytyp otyrǵanyn, al keleshekte múshe-memleketter qataryna Armenııa men Qyrǵyzstandy qabyldaý josparda bar ekenin jetkizdi.
Joldybaı Bazar.
Derekkóz: Epochtimes.ru.
Foto: Epochtimes.ru.