Qaraǵandy oblysynda sıntetıkalyq esirtki saýdasymen aınalysqan tórt er adam ustaldy, dep habarlaıdy Egemen.kz.
Qaraǵandy oblysynyń Polısııa departamenti taratqan aqparatqa qaraǵanda, ustalǵandar esirtki saýdasyn áleýmettik jeliler arqyly uıymdastyrǵan. Jaldamaly páterdi tintý kezinde polısııa qyzmetkerleri aq tústi zat salynǵan 90 túıinshekti taýyp, tárkiledi. Saraptama kórsetkendeı, satýǵa daıyndalǵan esirtkiniń jalpy salmaǵy 603 grammdy quraǵan.
Kúdiktiler ustaldy. Olardyń ekeýi ýaqytsha ustaý ızolıatoryna qamaldy. QR QK-niń 297-baby «Esirtki quraldaryn, psıhotroptyq zattardy, olardyń analogtaryn ótkizý, jóneltý nemese ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý» boıynsha qylmystyq is tirkeldi.