ASTANA. 12 maýsym. Údemeli ındýstrıaldy-ınnovasııalyq damýdyń memlekettik baǵdarlamasynyń ekinshi besjyldyǵy sheteldik ınvestorlar úshin «magnıtke» aınalýy kerek. Memleket basshysy Sheteldik ınvestorlar keńesiniń otyrysynda osylaı dedi. Bul týraly primeminister.kz habarlady.
Jıynda Prezıdent: «10 jyldan astam ýaqyt boıy Qazaqstan kezeń-kezeńmen turaqty makroekonomıkalyq orta qalyptastyryp keledi. Básekege qabilettilik sııaqty jahandyq ındeks kórsetkishi boıynsha 2013 jyly 23-orynǵa kóterilip, 30 eldiń qataryna endik», – dedi.
Sondaı-aq, ol Úkimetimizdiń bıznes isin júrgizýge jáne ózara birlese jumys isteýge qolaıly jaǵdaı jasaýǵa baǵyttalǵan birqatar sharalardy júzege asyryp jatqanyn atap ótti.
Nursultan Nazarbaev: «2015 jyldyń 1 qańtarynan meniń Jarlyǵyma sáıkes kásipkerlerdi josparly tekserý tolyǵymen toqtatylady. Tekserýler qaýip-qaterlerdi baǵalaýdyń sapaly júıesi negizinde belgilenedi», – dedi.
Joldybaı Bazar.
Derekkóz: primeminister.kz.
Foto: primeminister.kz.