Astanada óńirlik qolbasshylyqtardyń qolbasshylarymen, Ulttyq ulan Akademııasynyń bastyǵymen, quramalar men áskerı bólimderdiń komandırlerimen jáne olardyń tárbıe jáne áleýmettik-quqyqtyq jumys jónindegi orynbasarlarymen, óńirlik qolbasshylyqtar men tikeleı baǵynysty bólimderdiń, Áskerı polısııa bólimderiniń bastyqtarymen oqý-ádistemelik jıyndar ótkizilip jatyr, dep habarlaıdy Egemen.kz.
Eki kún ishinde basshylyq quram ofıserleriniń atys, dene shynyqtyrý, áskerı-ınjenerlik daıarlyq, RHBZ, tehnıkalyq jáne áskerı-medısınalyq daıarlyq boıynsha praktıkalyq daǵdylary tekserilip, qarý-jaraq pen áskerı tehnıkanyń, arnaıy quraldardyń, baılanystyń taktıkalyq-tehnıkalyq sıpattamalarymen qosa kásibı-laýazymdyq daıarlyqtyń negizgi pánderi boıynsha synaqtar qabyldandy.
Sabaqtyń negizgi bóligi dala jaǵdaıynda ótti. Alǵashqy kúni QR Memlekettik kúzet qyzmetiniń «Maılan» dalalyq oqý ortalyǵynda, ekinshi kúni QR Ulttyq ulanynyń «Qaptaǵaı» birikken oqý ortalyǵynda synaqtar qabyldandy.
Memlekettik kúzet qyzmetiniń polıgonynda qolbasshylar, komandırler, sondaı-aq olardyń tárbıe jáne áleýmettik-quqyqtyq jumystar jónindegi orynbasarlary úshin «arnaıy maqsattaǵy bólimshelerdiń áreketi, parashıýtsiz túsirý jáne kórsetilgen shekarany basyp alý boıynsha» kórneki sabaq usynyldy.
«2022 jyldyń jazynda Almaty oblysynyń Jetigen kentinde oqý-ádistemelik jıyndar ótkizilgen. Qazir biz Astana mańyndaǵy eki túrli polıgonda ótkizip jatyrmyz. Jedel daıyndyq barysynda ofıserlermen praktıkalyq sabaqtar ótkizýge basty nazar aýdarylady. Komandırler men olardyń orynbasarlary Ulttyq ulannyń qarýlanýynda turǵan ártúrli pozısııalar men qarý-jaraq túrlerin: tapanshalardy, avtomattardy, tegis uńǵyly myltyqtardy, granataatqyshtardy jáne qys mezgilinde iri kalıbrli pýlemetterdi atý boıynsha óz sheberlikterin kórsetti. Sondaı-aq jaýyngerlik granatalardy laqtyrýda jáne brondy mashınalardan atys júrgizilip jatyr», dedi Jaýyngerlik daıarlyq Bas basqarmasynyń bastyǵy polkovnık Nurlan Muhamedov.
Jıyn barysynda ofıserlermen quqyqtyq tártip áskerleriniń qyzmettik-jaýyngerlik qyzmetin qamtamasyz etýdiń negizgi túrleri boıynsha oqý-ádistemelik, nusqaýlyq jáne kórneki sabaqtar ótkizildi.
Aıta keteıik, jedel daıarlyq sheńberinde ofıserlerge «Ulttyq ulannyń jeke quramymen tárbıe, áleýmettik-quqyqtyq jáne ıdeologııalyq jumysty uıymdastyrýdyń jańa erejeleri» tanystyryldy.