Búgin saǵat 13.36-da Jetisý oblysy Qaratal aýdany Úshtóbe qalasyndaǵy jeke turǵyn úıde kólemi 5 lıtr bolatyn gaz ballony jaryldy, dep habarlaıdy Egemen.kz Jetisý oblysy TJD baspasóz qyzmetine silteme jasap.
Oqıǵa saldarynan tórt adam, onyń ishinde bir bala medısınalyq mekemege jatqyzyldy. 1956 jáne 1980 jyly týǵan eki áıel denesiniń 40-50% kúıikterimen jansaqtaý bóliminde jatyr. 1961 jyly týǵan er adamnyń qolyn ortasha aýyrlyqta kúıik shalǵan, 2019 jyly týǵan bala qol men aıaqtyń jeńil kúıikterin alǵan.
Jetisý oblysy Tótenshe jaǵdaılar departamentiniń 5 qyzmetkeri 2 birlik tehnıka kúshimen órtti saǵat 14.15-te sóndirdi.
О́rt qatty otynmen jylytylatyn peshtiń janyndaǵy 5 lıtrlik gaz ballonynyń jarylýynan bolǵan.
TJD azamattardy órt qaýipsizdigi erejelerin saqtaýǵa jáne gaz ballondardy jylytý peshteriniń janynda jáne basqa da jyldam qyzdyrý tásilderi arqyly jylytpaýǵa keńes berdi.