QR Premer-mınıstri Álıhan Smaıylov Qazaqstan ekonomıkasyn demonopolızasııalaý jónindegi komıssııanyń kezekti otyrysyn ótkizdi, dep habarlaıdy Egemen.kz Úkimettiń baspasóz qyzmetine silteme jasap.
Jıynda temirjol tasymalynda óndiristik prosestiń ajyramas bóligi bolyp tabylatyn keıbir aktıvterdi memleket menshigine qaıtarý sharalaryn talqylady.
Premer-mınıstr múddeli memlekettik organdarǵa osy baǵyttaǵy belsendi jumysty jalǵastyrýdy tapsyrdy.
Otyrys barysynda birqatar jeke kompanııalardyń menshik ıelerinen 145 kirme temirjolyn respýblıka menshigine berý týraly usynystar kelip túskeni aıtyldy.
Úkimet basshysy osy sharalardy iske asyrý úshin barlyq qajetti rásimderdi júrgizýdi tapsyrdy.
Sonymen qatar komıssııa músheleri munaı-gaz salasynyń keıbir ınfraqurylymdyq obektilerin memleket menshigine qaıtarý jónindegi jumystyń barysyn qarady.
Otyrysty qorytyndylaı kele, Álıhan Smaıylov jaqyn arada naqty nátıjelerge qol jetkizý úshin qaralǵan barlyq máseleler boıynsha rásimderdi jedeldetýdi tapsyrdy.