Keshe Jetisý oblysynyń tasjoldarynda aýa raıynyń qolaısyzdyǵyna baılanysty jolda qalyp qoıǵan jolaýshylar evakýasııalandy, dep habarlaıdy Egemen.kz.
«Keshe saǵat 16.45-te quramynda 6 qutqarýshy jáne 2 birlik tehnıka bar Jedel qutqarý jasaǵynyń qutqarýshylary «Úsharal-Dostyq» avtojolynyń «Yrǵaıty» ýchaskesinde qar qursaýynda qalǵan 4 avtokólikten 7 adamdy qutqardy. Olar saǵat 20.05-te Kóktuma aýylynyń jylytý pýnktine jetkizildi», delingen Jetisý oblysy TJD baspasóz qyzmetiniń habarlamasynda.
Sonymen qatar saǵat 22.50-de Qabanbaı aýylynan 15 shaqyrym jerde, «Besqopa» ýchaskesinde, Qabanbaı aýylynyń órt sóndirý beketiniń qyzmetkerleri jol boıynda buzylǵan «Gaz-53» júk kóliginen 2 adamdy qutqaryp, qaýipsiz jerge jetkizgen. Qutqarylǵandardyń eshqaısysyna medısınalyq kómek qajet bolmaǵan.
Esterińizge sala ketsek, 22 qańtar kúni saǵat 18.00-de aýa raıynyń nasharlaýyna baılanysty jol qyzmetteri respýblıkalyq mańyzy bar «Úsharal-Dostyq» avtojolynda barlyq avtokólik túrleri úshin qozǵalysty jabý týraly sheshim qabyldandy.