Elordada Aqparat jáne qoǵamdyq damý mınıstrliginiń qoldaýymen óńirlik merzimdi basylymdar forýmy ótip jatyr. Eki kúndik forým aıasynda Qazaqstandyq BAQ salasynyń mamandary tájirıbelerimen bólisip, zamanaýı medıakeńistiktegi basty máseleler boıynsha pikirlerin ortaǵa salady, dep habarlaıdy Egemen.kz.
BAQ salasynyń maıtalmandary bas qosqan forýmda ár túrli mańyzdy taqyryptar qozǵaldy. Mysaly, «Aıqyn-Lıter» JShS dırektory Ysqaq Egemberdıevtiń aıtýynsha, gazetter áli de básekege qabiletti. Qajetti menedjmenttiń tetikterin bilý arqyly oqyrman sanyn áldeqaıda kóbeıtýge bolady.
«Kez-kelgen gazetke jarnama bergen tutynýshy eń aldymen sol gazettiń sapasy men sanyna mán beredi. Áleýmettik jelidegi paraqshalar qanshalyqty jyldam bolsa da gazetterdegideı aqparatty jan-jaqty tolyqqandy bere almaıdy. Sol sebepti gazet pen saıttyń ujymy bólek. Olar bir-birine baǵynbaıdy, sondyqtan da olar derbes», dedi ol.
Spıker monetızasııa jaıyna da toqtala ketti. Mysaly, YouTube-tegi monetızasııa longrıd formatyndaǵy materıaldar arqyly júzege asady.
Sondaı-aq ol trafık satý syndy teorııalardy praktıkada qoldaný týraly sóz etti. Marketıng pen menedjmentti durys qoldaný arqyly jarnamadan jylyna 20 mıllıon qarajat taýyp otyrǵanyn da jasyrmady.
Gúlshahra SANSYZBAI