Parlament Senaty Áleýmettik-mádenı damý jáne ǵylym komıtetiniń depýtattary Aqmaral Álnazarova men Lázzat Qaltaeva estý qabileti nashar adamdardy qoldaý máseleleri boıynsha mamandanǵan memlekettik organdar men úkimettik emes uıymdardyń ókilderimen kezdesti, dep habarlaıdy Egemen.kz Senattyń baspasóz qyzmetine silteme jasap.
Kezdesýge qatysýshylar nashar estıtin adamdarǵa joǵary, orta jáne qosymsha bilim alýǵa qol jetkizýdegi problemalar men oqýǵa túsý kezinde qajetti baǵdarlamalar men sýrdoaýdarmashylardyń joqtyǵy týraly máselelerdi talqylady.
Senatorlar sonymen qatar múgedektigi bar daryndy jastarǵa elimizdiń barlyq óńirlerinde sporttyq-mádenı sharalarǵa erkin qol jetkizýge múmkindik berýdiń mańyzdylyǵyn atap ótti. Parlamentshilerdiń aıtýynsha, bul jastardyń óz qabiletin tanytýǵa yntalandyrýǵa kómektesedi.
Kezdesý qorytyndysy boıynsha estý qabileti nashar qazaqstandyqtardyń ómirin odan ári jaqsartý jónindegi usynymdar toptamasy memlekettik organdarǵa jiberiletin boldy.