Bıyl Soltústik Qazaqstan oblysynda balabaqshalardy kóbeıtý maqsatynda 210 oryndyq balabaqsha ashý josparlanyp jatyr, dep habarlaıdy Egemen.kz.
О́ńirlik kommýnıkasııalar qyzmetinde ótken brıfıngte bilim basqarmasynyń basshysy Názir Jáshibekov 3-6 jas aralyǵyndaǵy búldirshinderdiń balabaqshadaǵy orynmen tolyq qamtamasyz etilgenin aıtty.
«Kishkentaı balalardy mektepke deıingi tárbıemen jáne oqytýmen qamtýdy arttyrý boıynsha jumystar júrgizilip jatyr. О́tken jyly 205 jańa oryn ashyldy. Bul 2 jastan 6 jasqa deıingi balalardyń 92 paıyzyn mektepke deıingi bilimmen qamtamasyz etýge múmkindik berdi. Bıylǵy mindet – jumys istep turǵan mekemelerdi keńeıtý arqyly taǵy 210 oryn ashý», dedi N.Jáshibekov.
Ol ótken jyldyń qyrkúıek aıynan bastap barlyq balabaqshalarda mektepke deıingi tárbıe men oqytýdy damytýdyń jańa modeli engizilgenin aıtty.
- «Oıyn arqyly oqytý» qaǵıdasy boıynsha memlekettik standart pen oqý baǵdarlamasy ózgertildi. Mektepke deıingi tárbıe men oqytý modeli aıasynda oblysymyzdaǵy eki balabaqsha – Petropavl qalasyndaǵy «Altyn besik» bóbekjaıy men Qyzyljar aýdanyndaǵy «Mıras» bóbekjaıy aldyńǵy qatarly balabaqshalardyń ozyq tájirıbesin kóshirý boıynsha pılottyq jobalarǵa qatysyp jatyr», - dedi N.Jáshibekov.