«Neke jáne otbasy týraly» QR kodeksine jańa ózgetýler engizildi, dep habarlaıdy Egemen.kz.
Qazaqstanda balanyń kez-kelgen týysqanymen qarym-qatynas jasaý quqyǵy endi «Neke jáne otbasy» kodeksinde arnaıy bappen aıqyndalady. Bul týraly Ashyq NQA portalynda Oqý-aǵartý mınıstrligi jarııalaǵan qujat jobasynan belgili boldy.
Atap aıtqanda, «Neke jáne otbasy» kodeksine jańa 73-1 bap engiziledi. Onda «Atalar, ájeler, baýyrlar, ápkeler jáne basqa týystar balamen aralasýǵa quqyly» dep jazylǵan.
Bapqa sáıkes, eger ata-ana balanyń jaqyn týystaryna onymen qarym-qatynas jasaý múmkindigin berýden bas tartsa, daýdy QR Balalardyń quqyqtaryn qorǵaý salasyndaǵy ýákiletti organy aıqyndaıtyn tártippen qorǵanshylyq nemese qamqorshylyq jónindegi fýnksııalardy júzege asyratyn organ sheshedi.
Oqý-aǵartý mınıstrligi zańǵa mundaı tolyqtyrý engizý qajettigin ata-ájeler men basqa týystardyń balamen qarym-qatynas tártibin anyqtaýǵa baılanysty daýlardy sheshýde qıyndyqtar týyndaǵanymen túsindirdi.
Qujat jobasy 24 aqpanǵa deıin jarııa talqylaýǵa usynylǵan.
Gúlshahra SANSYZBAI