2022 jyldyń qorytyndysy boıynsha qazaqstandyqtarǵa proaktıvti formatta 1,1 mln túrli memlekettik qyzmet kórsetildi, dep habarlaıdy Egemen.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Proaktıvti qyzmetter kórsetý kezinde qujattardy jınaýdyń qajeti joq, barlyq málimetter memlekettik derekter bazasynan elektrondy túrde alynady.
Búgingi tańda proaktıvti formatta áleýmettik-eńbek salasynyń 23 memlekettik qyzmeti kórsetiledi. Olardyń ishindegi eń suranysqa ıe bolǵandary:
– jumyssyzdardy tirkeý (347 myń);
– bala týýǵa jáne bala kútimine járdemaqy taǵaıyndaý (215 myń);
– bala kútimine baılanysty tabysynan aıyrylǵan jaǵdaıda áleýmettik tólem taǵaıyndaý (179 myń);
– ınflıasııa deńgeıin eskere otyryp, naqty engizilgen mindetti zeınetaqy jarnalarynyń, mindetti kásiptik zeınetaqy jarnalarynyń somasy men zeınetaqy jınaqtarynyń somasy (memlekettik kepildik) arasyndaǵy aıyrmany tóleý (127 myń);
– múgedektikti jáne/nemese eńbekke qabilettiliginen aıyrylý dárejesin belgileý jáne/nemese qajetti áleýmettik qorǵaý sharalaryn aıqyndaý (57 myń).
Budan basqa birqatar basqa qyzmetti túrlendirý jáne jeńildetý boıynsha jumystar júrgizilip jatyr.
Buryn densaýlyǵynan aıyrylǵan azamattar múgedektik belgileý kezinde, sondaı-aq ońaltýdyń járdemaqylary men tehnıkalyq quraldaryn alý kezinde tórt túrli ınstansııaǵa: emhanaǵa, MÁS bólimine, HQKO-ǵa jáne ákimdikke júginýge májbúr bolatyn.
Endi ótinish berýshi tek turǵylyqty jeri boıynsha emhanaǵa júginedi, al qalǵan prosester aqparattyq júıelerdi ıntegrasııalaý esebinen adam qatysýynsyz ótedi.
Múgedektik belgilengennen keıin ótinish berýshige ózine senip tapsyrylǵan tehnıkalyq ońaltý quraldary men áleýmettik qyzmetterdi proaktıvti túrde alý úshin tek kelgen SMS-habarlamaǵa jaýap berý qajet jáne múgedektigi bar adamdy ońaltý men abılıtasııa jeke baǵdarlamasyna (OAJB) sáıkes oǵan qoljetimdi barlyq sharalar avtomatty túrde áleýmettik qyzmetter portalyna jiberiletin bolady. Jyl qorytyndysy boıynsha 55 myńnan astam azamat OTQ jáne áleýmettik qyzmetterdi belsendi túrde resimdedi.
Budan basqa osy jyldyń 1 qańtarynan bastap Memleket basshysynyń tapsyrmasyna sáıkes otbasynyń ál-aýqatyn jáne memlekettik qoldaýdyń tıisti sharalaryn aıqyndaıtyn «Otbasynyń sıfrlyq kartasy» jumys rejıminde iske qosyldy.
Buǵan deıin 2022 jylǵy 1 qyrkúıekten bastap Otbasynyń sıfrlyq kartasyn pılottyq iske qosý júzege asyryldy, onyń barysynda qoldaý sharalaryn áleýetti alýshylarǵa proaktıvti formatta memlekettik qyzmetter kórsetýge kelisim alý úshin 77 myń SMS-habarlama jiberildi jáne 30 myńǵa jýyq tólem taǵaıyndaldy.