Elorda kóshelerin qar men muzdan tazartý boıynsha táýlik boıy jumys júrgizilip jatyr. Qalanyń kommýnaldyq qyzmetteri barlyq tórt aýdanda eki aýysymdy rejımde jumys isteıdi, dep habarlaıdy Egemen.kz Astana ákimdiginiń baspasóz qyzmetine silteme jasap.
7 aqpanǵa qaraǵan túni qaladan 9,4 myń tekshe metr qar kúrelip, qala syrtyndaǵy polıgondarǵa shyǵaryldy.
Búgin tańerteń qar kúreý jumysyna 2,1 myń jol jumysshysy men myńǵa jýyq arnaıy tehnıka jumyldyryldy.
Jalpy, qys mezgili bastalǵaly beri bas shahardan 3 mln tekshe metrge jýyq qar shyǵaryldy, ol úshin qar polıgondaryna 236 myńnan astam reıs jasaldy.
Jumysshylar qala boıynsha qum-tuz qospasyn sebý jumystaryn júrgizip jatqanyn aıta ketý kerek. Arnaıy qospa qala turǵyndarynyń emin-erkin júrýi úshin kóshelerge, joldarǵa, trotýarlarǵa jáne adam kóp jınalatyn oryndarǵa sebiledi.